Trump kishte një dosje të klasifikuar për Macron që ai thotë se FBI-ja e mori kur bastisi shtëpinë e tij në Mar-a-Lago, Florida, së bashku me kutitë e dokumenteve të tjera të klasifikuara.

Ish-presidenti amerikan “i prapë” që në momentin e parë kishte shfaqur një interes të veçantë për jetën e dashurisë së homologut të tij, i cili megjithatë nuk kishte dhënë shkas për komente.

Por Donald Trump  duket se ndjeu se një hetim më i thellë do të zbulonte detaje gudulisëse për jetën e dashurisë së Emmanuel Macron.

Nisur nga paraardhësit e presidentit francez, skandalet dhe lidhjet jashtëmartesore duket se janë pjesë e Elysee.

Të shumtë ishin ata, megjithatë, që duke parë Emmanuel Macron me Brigitten e tij shumë më të madhe në moshë, besuan se presidenti i Francës kishte shpëtuar nga tradita.

Por rrëmuja filloi të zgjidhej më 8 gusht, kur FBI bastisi shtëpinë e Donald Trump në Mar-a-Lago, Florida.

Në kuadër të një hetimi penal u sekuestruan kuti me dokumente të klasifikuara.

Një nga dosjet quhet “Dosja seksuale e Macron”. Dosja misterioze, ‘Objekti 1a’, u rendit nga FBI si ‘informacion për Presidentin e Francës’.

Pretendimi i ish-presidentit amerikan se FBI-ja mori një dosje të klasifikuar për presidentin francez pasi autoritetet bastisën shtëpinë e tij në Mar-a-Lago, ka rindezur thashethemet për jetën seksuale të Macron.

Trump ka treguar prej kohësh një interes të fortë për jetën seksuale të Macron.

Mësohet se ai është mburrur privatisht se dinte çdo detaj të nxehtë rreth tij.

Sipas revistës Rolling Stone, Trumpit i pëlqente të thoshte se Macron ishte “i keq”.

Thashethemet për homoseksualitetin

Në orët e fundit jo pak media ndërkombëtare po komentojnë zgjedhjet e Macron.

Ndërsa bënte fushatë për presidencën e vitit 2017, ai u detyrua të mohonte të ishte pjesë e një “lobi të pasur homoseksual”, duke mohuar akuzat se kishte një lidhje pasionante me Mathieu Gallet, shefin e atëhershëm 40-vjeçar të Radio France.

I deklaruar publikisht si homoseksual, Gallet ishte një figurë e spikatur në mediat franceze dhe dihej se ishte takuar me Macron në evente të ndryshme.

Thashethemet online filluan të lulëzojnë dhe Macron u detyrua të deklaronte: “Thonë se kam një jetë të dyfishtë me Mathieu Gallet por nuk mund të jem unë”.

Ai përsëriti në një mbledhje tjetër: “Unë jam ky që jam. Unë kurrë nuk kam pasur asgjë për të fshehur. Dëgjoj njerëz që thonë se kam një jetë të fshehtë apo diçka tjetër. Nuk është e këndshme për Brigitten sepse i ndaj të gjitha ditët dhe netët me të dhe ajo më pyet si ia dal”, deklaroi ai mes seriozitetit dhe shakasë.

Rasti Benala

Një vit më vonë, Parisi, gjithmonë i entuziazmuar pas thashethemeve, po tërbohej nga thashethemet për jetën e dashurisë së Macron.

Macron, këmbëngulën ata, tani po flinte me ish-oficerin e tij të sigurisë, Alexandre Benalla.

Çfarë tjetër mund të shpjegojë trajtimin e butë të presidentit ndaj Benallas, pasi ai u filmua duke rrahur një shtetas francez?

Në 1 maj 2018, ai ishte protagonist në rrahjen e protestuesve.

Një kalimtar e ka filmuar atë duke “arrestuar” një grua, duke e tërhequr zvarrë nga turma.

Menjëherë pas kësaj ai ka goditur në kokë një burrë.

Kur shpërtheu skandali në korrik 2018, Macron e gjeti veten në mbrojtje, i detyruar të shpjegonte në mënyrë të sikletshme jo vetëm pse Benalla kishte ende një punë, por madje mbajti lejen e tij të sigurisë në Asamblenë Kombëtare, përdorimin e një makine me shofer, madje edhe një apartament qeveritar.

Presidenti u detyrua të bënte një deklaratë “të sikletshme” se Benalla “nuk ka qenë kurrë i dashuri im”.

Në një intervistë me Tetu, revistën kryesore LGBT në Francë, në shkurt 2017, Macron tha:

“Nëse do të isha homoseksual, do ta thosha dhe do ta jetoja. Dy gjëra janë të neveritshme në lidhje me nënkuptimet: të thuash se nuk është e mundur që një burrë që jeton me një grua më të vjetër të jetë diçka tjetër përveç homoseksualëve, dhe të nënkuptosh se dikush është fshehurazi një zhigolo mizogjen. E gjithë kjo është homofobi”./oranews/